dard bankar geeton se

kandhe par sar rakh k hum unke khud he sapne bunte rahe
kaun kare aub yaad humein hum khud he hichkiyaan lete rahe,
ladna maujon se dushwaar toh tha par joojha kiye
sahra ki sukhee ret mein hum apni naiya bhi khete rahe,
zakham khaye kitne dil ne aaya jab bhi yeh khayal
naam tera mann he mann mein hum chupke chupke lete rahe,
khabar teri humko thodi kabhi kahin mil jaati hai
khud he chithhi likh likh k khud he uttar dete rahe,
aaj kahin fir se hum dum tum aakar kahin mil jao
soch k bus aise baatein dil ko tasalli dete rahe,
aankhen meri band hone ko hai aur saanse bhi hai thamne waali
Dard bankar geeton se hum naye saari fizayein bharte rahe